📕 प्रवास ‘स्मार्ट टू ग्लोबल क्लासरूम’ चा...!

✍️ रविंद्र केदार सर यांचे "स्मार्ट टू ग्लोबल क्लासरुम "पुस्तक नसून शाळांसाठी दिशादर्शक कार्यप्रणाली आहे.

          कृती शून्य बडबडी तून काही साध्य होत नसते. सकारात्मक विचारांना आचाराची जोड असेल तरच विचार प्रभावी ठरतात. रविंद्र केदार सर यांनी अध्यापनात स्वतः नवनवीन प्रयोग करत जे सिद्ध केलं आहे ते  पुस्तक रुपाने समाजासमोर ठेवले आहे.

     स्मार्ट क्लासरुम, स्मार्ट स्कूल ही काळाची गरज झाली आहे. विद्यार्थी विचारप्रवृत्त होण्यासाठी व ज्ञानाची भूक भागविण्यासाठी शिक्षक खडू फळा यापलिकडे गेला पाहिजे या भावनेतून सरांनी कार्य केलं आहे. पुस्तक वाचून महाराष्ट्रातील शाळेत अनेक कार्यतत्पर व समर्पित भावनेने कार्य करणारे शिक्षक स्मार्ट क्लासरुम  करण्यासाठी जोमाने प्रयत्न करतील असं वाटतं.

      जगाला बदलणारे सर्वोत्तम हत्यार म्हणजे शिक्षण. शाळेचे उन्नत रुप म्हणजे स्मार्ट क्लास रुम/ स्मार्ट स्कूल. शिकण्याच्या आणि शिकवण्याच्या संधींना प्रोत्साहन कशे  देतात? सर्जनशीलता, नवकल्पनांना प्रोत्साहन कसं मिळते? डिजिटल साक्षरता , समस्या सोडविण्यासाठी मदत कशी होते? दप्तर ओझं कमी, प्रभावी शिक्षण कसं देता येतं? याच मार्गदर्शन या पुस्तकात आहे.

     स्मार्ट क्लास रुम तंत्रज्ञान वर्धित वर्गखोली आहे, जी संगणक विशेष सॉफ्टवेअर, प्रेक्षक प्रतिसाद तंत्रज्ञान, सहाय्यक ऐकण्याची उपकरणे नेटवर्किंग आणि ऑडिओ/ व्हिज्युअल क्षमता यांसारख्या शिक्षण तंत्रज्ञानाचे एकत्रिकरण करुन शिकविण्याच्या आणि शिकण्याच्या संधींना प्रोत्साहन कशा देतात याच विवेचन पुस्तकात आहे.

 शिक्षणात क्रांती, आवश्यक माहिती जमा करण्यास मदत ऑनलाइन, अनियंत्रित संख्येत विद्यार्थी शिकू शकतात. जगातील विविध देशांमधील विद्यार्थी विविध ठिकाणे यांना आभासी भेटी देऊ शकतात, शैक्षणिक कृती परत परत रिपीट कशा करता येतात याची माहिती पुस्तकात मिळते.

   जग व जगातील माहिती वर्गात आणता येते. नवनवीन माहिती तात्काळ मिळते, २१ व्या शतकातील कौशल्या संबंधी उपक्रम राबवल्यामुळे  विद्यार्थी समृद्ध होतात बहुआयामी होतात.

     एकंदरीत रविंद्र केदार यांनी लिहिलेले पुस्तक अनुभवातून लिहिलेले असल्यामुळे सर्व शाळांसाठी हे पुस्तक दीपस्तंभ ठरणार आहे.

संपत गायकवाड ( माजी सहायक शिक्षण संचालक)

Share